Rai Halai Estraga Uma 32 iha Covalima

DILI, www.news-viptv.com – Autoridade Protesaun Sivil (APC) iha atualizasaun dadus dezastre periodu 17 to’o 24 Marsu 2025, relata uma 32 iha Munisipiu Covalima hetan estragus tamba rai halai.

Iha konferensia imprensa, Segunda (24/3/2025), Porta Voz APC, Nelson Nunes de Orleans esplika iha periodu refere, CNOPC-APC rejistu, dezastre hanesan, anin bo’ot (21), Prienxe Kriteria (40),ahi han (7) Rai Halai (36), apoiu deit emerjensia (55), númeru ema afetadu (437), ema evakua (160).

“Munisípiu ne’ebé afeta ba dezastre hanesan Munisipiu Ainaro, Be’e sae (3), rai halai (1), munisípiu Bobonaro, rai halai (1), munisípiu Covalima, rai halai (32), munisípiu Dili, Be’e sae (1), munisípiu Ermera, Anin sobu (10), Be’e sae (1), rai halai 1, munisípiu Lautem, Ahi han uma (1), munisípiu Manufahi, Anin sobu uma (1), Ahi han uma (2), RAEOA, anin sobu uma (9), be’e sae (26), rai halai (1) no ahi han uma (4), munisípiu Viqueque, anin sobu uma (1),” dehan Nelson Orleans.

Ba uma ne’ebe hetan estragus, parte APC ho Komando Munisípiu halo kedas verifikasaun ba dadus estragus no apoiu pakote emerjénsia hanesan aihan no la’os aihan ba vítima afetadu dezastre.