Aplikante 13.021 ba Bolsa Kandidatu Profesores Hahu Teste Eletroniku

DILI, www.news-viptv.com – Ministério Edukasaun (ME) liu husi Komisau Funsaun Publiku (CFP, sigla Portugues) hahu teste eletroniku ba bolsa kandidatu profesores hamutuk 13.021.

Teste eletroniku ne’e halo liu hosi seremonia abertura iha edifisiu CFP ne’ebe lansa hosi Primeiru Ministru Kay Rala Xanana Gusmão, Ministra Edukasaun Dulce Soares no Prezidenti CFP, Agostino Letencio de Deus.

“Programa ida ohin ita hanaran konkursu publiku teste eletrônico ba bolsa de kandidatu professores sira nian konkursu ida ohin hahu husi processo aplikasaun ba vaga bolsu estudu Kandidatu dos professores Hamutuk 14.159 pessoas mak aplika husi ida ne’e aplikantes admitidos 13.021 mak pasa parabéns mos ba inan feton sira tamba admitido maioria feto ho total 7.964 Mane 5.97 la admitido 1.131,” dehan Agostino Letencio de Deus, iha CFP  Matadouro Dili, Sexta (15/3/2024).

Teste eletroniku ne’e, Agostino esplika, sei garante transparênsia no imparsialidade iha proseso selesaun ba bolsa ida ne’e sira ne’ebe ikus mai pasa iha prosesu ida ne’e nudar selesionadu ba menores kandidatus ho melhor resultado iha exame sem kualker partilarismo no familiarismo enkoraza mos ba kandidatu sira atu realiza exame ho kuidadu no atensaun tamba waihira aprova ita boot sira prense hotu ona rezultado mak ida nee duni.

Nu’udar Xefi Governo, PM Xanana kongratula Prezidente CFP ne’ebe fasilita teste eletrononiku ho sistema ne’ebe kredivel ba povu tomak.

“Teste eletrôniku hodi halakon tia buat ida naran tiu, tia, inan sarani no aman sarani buat sira ne’e hotu,” dehan PM Xanana.

Xefi Governu ne’e mos esklarese, governu persiza hadia hotu sistema edukasaun atu nune’e buat hotu bele lao tuir nia regra.

“Kandidatu sira esforsu an lalika lakon esperansa katak la Liu agora karik nee laiha ona, pois ba protesta, protesta la menan buat ida prepara an ba buka servisu seluk tamba edukasaun rasik mos presisa hadia sistema,” dehan Xefi Governu ne’e.

Iha fatin hanesan, Dulce de Jesus Soares hateten, hodi numeru kandidatu ne’ebe compete ba vagas ne’e, Ministeriu Edukasaun sei hili deit ema 2.400 hodi halo kolokasaun ba eskola sira.

Teste ba kandidatu sira ne’e sei hotu iha 16 Abril no kandidatu sira bele hatene kedan nia rezultadu ida-idak.

Materia sira ne’ebe kandidatu sira tuir ne’e maka materia jeral no espesifiku, hanesan Língua portuguesa, língua inglesa, Língua Tetun, Matemática , História no mos Geografia i Ciências naturais.