Tinan Foun, Ema Kristaun Tenki iha Fuan Foun

DILI, www.news-viptv.com –  Igreja GPdI Eklesia Santa Cruz iha nia kultu ba tinan foun 2024 husu ba ema Kristaun iha tinan foun tenki iha fuan foun.

Iha nia pregasaun Pastor Lorens Joaquim Kambey hateten, ema hotu bele iha osan hodi hola sasan oioin mundu nian, maibe importante foun nian iha tinan foun maka fuan foun.

“Ema Kristaun tenki iha fuan ne’ebe foun. Ita hotu bele iha buat foun, maibe kuandu laiha fuan foun, ita labele halo buat ida,” dehan Pastor Lorens, Segunda (1/1/2024), iha Igreja GPdI Bemori, Santa Cruz, Dili.

Fuan foun, esplika Maromak Atan ne’e maka so liu det Jesus Kristu. “So Jesus deit maka bele ita fuan foun.”

Apostolu Paulus, antes Nai Jesus kaptura nian, nia moris ho fuan tos no sempre halo persigisaun, torturasaun no oho ema sira ne’ebe tuir Jesus. Maibe, hafoin Jesus hafoun nia moris ho fuan foun, nia lao deit tuir saida maka Jesus haruka ba nia.

“Iha Ezekiel 36:26 Maromak Nia Lia Fuan hateten Hau sei foo fuan laran foun ba imi, no Hau sei tau espíritu foun iha imi nia laran. Hau sei hasai fuan fatuk nian hosi imi nia isin no foo fali fuan isin nian ba imi. Apostolu Paulus hafoin hetan fuan foun, nia moris maka buka deit Maromak, hanesan Ita ema ne’ebe moris ona iha Jesus nia laran, sei la arbiru, focus maka oinsa fo Gloria ba Maromak,” dehan pastor ne’e.

Tamba ne’e, pastor ne’e husu ba nia sarani sira iha tinan foun ne’e atu labele repete tan hahalok tuan, tenki moris hadomi malu, atu dame bele nafatin ba ema hotu, hanesan Maromak Nia Lia Fuan Santos iha Isaias 32:17, “No hahalok loos sei lori dame mai, no hahalok loos nia rezultadu mak tempu hakmatek no seguru too tinan ba tinan.”

“Dame iha tamba Kristu nia domin. Atu ita bele hetan dame, ita tenki moris ho loos, tamba ne’e lia loos so mai hosi Nai Jesus,” nia dehan.

Moris nu’udar ema Kristaun, Pastor ne’e husu ba ema hotu atu labele tauk hodi moris iha 2024, maski sedauk hatene saida maka sei akontese iha vida moris durante tinan 2024.

“Labele tauk simu no halao tinan 2024, tamba Jesus hamutuk ho ita.