PCOGIM Inaugura Nia Igreja iha Timor-Leste

Dili, www.news-viptv.com – Nai Jesus nia lia fuan iha Mateus 28:19 Tanba nee, baa hanorin ema iha nasaun hotu-hotu atu sira sai Hau nia eskolanti. Foo sarani sira hodi Aman, Oan no Espiritu Santu sira nia naran. No versikulu 20 hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”, versikulu rua iha Mateu ne´e sai vizaun Pentecostal Church of God International Movement (PCOGIM) Hodi habelar Maromak Nia reinu Lalehan iha Mundu, inklui iha Timor-Leste.

Tamba ne´e iha Domingu (26/3/2023), iha Timor Lodge, Comoro, Dili. PCOGIM offisialmente inaugura nia igreja dahuluk iha Timor-Leste

Prezidenti PCOGIM Indonesia, Rev. Rolly Rorong, S.Th, M.Th esplika Timor-Leste tama duni ba program PCOGIM hodi halao servisu Maromak nian iha servisu evanjelizasaun.

Ho prezensa PCOGIM iha Timor-Leste, nia espera PCOGIM bele hamutuk ho Maromak atan sira ne´ebe iha vizaun hanesan ba servisu esperitu santu ba prezensa Maromak nian iha Timor-Leste.

Entertantu Rev. Jorse Dos Santos Manary S.Th.M.Th.M.Misi ne´ebe konsagra nudar bispu nasional ba PCOGIM Timor-Leste esplika katak durante tinan 10 nia sempre halo orasaun atu igreja ne´ebe nia lidera ne´e mos bele hamrik iha Timor-Leste.

Ho Timor-Leste, PCOGIM dadauk ne´e iha ona nia reprezentante iha nasaun 83 no tuir programa tinan ne´e sei kompleta too nasaun 100.