IBTL Bethany Realiza Kultu Agradesementu ba Loron Restaurasaun Independensia Timor-Leste

DILI, www.news-viptv.com – Independensia ne’ebe Timor-Leste hetan la ses mos husi graca Nai Maromak ne’ebe haraik nia bensaun ba nasaun ne’e hodi restaura hikas nia independensia iha 20 Maiu 2002, ne’ebe uluk proklama ona iha 28 Novembru 1975.

Ho loron aniversariu ba restaurasaun independensia 20 de Maiu, Igreja Kristaun IBTL Bethany iha kultu domingu hamutuk ho sarani sira hasa’e agradesementu ba Nai Maromak ba tinan 22, restaurasaun independensia.

Iha nia pregasaun, Pastora Carolina Angkie Watimena hateten se wainhira Timor-Leste iha nia independensia persiza restaura hikas nia independensia, nu’udar kristaun, sarani sira mos persiza restaura nia moris. Atu restaura moris, maka sarani sira persiza Esperitu Santo atu konsola no ajuda moris atu tuir Nai Jesus nia dalan.

Laos ho tinan aniversariu loron restaurasaun independensia Timor-Leste nian, Igreja Kristaun sira iha mundu tomak mos selebra hela loron deramamentu esperitu santo ne’ebe fakar iha Jerusalam ba disiplu Nai Jesus, tuir saida maka hakerek iha Biblia iha Apostulu Kapitulu 2, Esperitu nakonu ba ema fiar Nain Jesus sira.

Maromak atan ne’e mos apela ba sarani sira atu kontinua kuidadu aan iha vida moris ho moris nafatin iha Maromak nia lia fuan Santo.