Selebrasaun Paskoa iha IEAD Belnaz Kraik, Maromak Atan husu Sarani Moris ho Domin no Dame

BIKELI, www.news-viptv.com Paskoa, nudar loron importante ne´ebe sempre selebra hosi sarani Kristaun sira, hodi hanoin hikas fali Jesus nia sakrifisiu ne´ebe mate iha kruz no moris hias fali depois loron tolu no sa´e ba lalehan. Iha loron paskoa, kristaun sempre selebra ho kultu preparasaun, kultu paskoa no kultu resuresaun, inklui mos sarani kristaun sira iha Igreja Evanjelica Assembleia de Deus BelNaz Kraik iha Biqueli, Munisipiu Atauro.

Maski ho simplesidade, sarani kristaun iha Igreja BelNaz Kraik bele selebra ho fuan ne´ebe nakonu ho domin ba Nai Maromak.

Pastor Jemaia Gomes iha nia pregasaun kultu paskoa fo hanoin ba povu sarani sira atu kontinua hakbesik no prepara an ba Maromak liliu iha selebrasaun Paskoa atu rona nafatin Maromak nia lia fuan iha Kultu Paskoa nian.

Lia hanesan mos hatoo hosi Pastor Markus Soares nu´udar Maromak Atan iha Igreja BelNaz Kraik apela nafatin ba nia povu sarani sira atu fiel nafatin ba Nai Maromak, no moris hadomi malu.