banner 1000x250

TenJen Falur Lidera Inkontru AMN

  • Share
Tenente Jeneral Falur Rate Laek wainhira lidera inkontru Autoridade Maritima Nasional (AMN). Photo: Media F-FDTL
banner 728x90
DILI, www.news-viptv.com – Xefé Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál (TenJen) Falur Rate Laek, Kinta (10/2/2022) ohin halo abertura ba enkontru Autoridade Marítima Nasíonal (AMN) iha kuartel Jenerál FALINTIL-FDTL, Fatuhada, Dili.

Komunikadu imprensa ne’ebe publik hosi Media F-FDTL informa, iha intervensaun Xefé Estadu Maior Jenerál FALINTIL-FDTL, Tenente Jeneral Falur Rate Laek hateten nia iha faze adaptasaun ba funsaun foun ne’ebe maka simu nudar Xefé Estadu Maior Jenerál F-FDTL iha fulan ida ne’e.
Tenente Jeneral Falur Rate Laek wainhira lidera inkontru Autoridade Maritima Nasional (AMN). Photo: Media F-FDTL

“Buat ne’ebe maka hau hatane hosi hau nia antessor, ho ita bo’ot sira nia esforsu barak ho peritos internasionais sira, halo ona estruturante konaba Autoridade Marítima Nasíonal (AMN), liuliu konaba sistema Autoridade Marítima Nasíonal, hau sente katak agora hanesan segunda faze hau mai lidera instituisaun ida ne’e,” dehan TenJen Falur.

Nia hateten tan, “Hau hakarak hatete ba ita bo’ot sira, katak agora hau mak lidera Autoridade Marítima ne’e, imi tenke koñese hau, katak hau nia intensaun ne’e ba ne’ebe, hau nia hakarak saida, halo ida ne’e para ita servisu hamutuk. Hein katak ita bo’ot sira halo debate itoan iha fatin ida ne’e, depois hetan nia konkluzaun lojika hodi informa fali ba hau.”
Nudar ema sala nain no ema limitadu tebes, jeneral fitun tolu ne’e esplika katak nia laos mai hosi família elite no família konglomerat, mas nudar ema servidor, nudar kombatente nia lori prosesu naruk mak to’o iha ne’e.
“Hau fiar katak hau nia subalterno sira loial ba hau, Servisu ba hau, ita hothotu hamutuk hodi dezenvolve instituisaun F-FDTL hadia Estadu no Nasaun,” nia dehan.
  • Share

Leave a Reply

Your email address will not be published. Required fields are marked *

error: Content is protected !!