TenJen Falur Halo Vizita Servisu ba CAS, Transporte Sai Problema Bo'ot ba CAS

DILI, www.news-viptv.com – Xefi Estadu Maior Jeneral Forsa Armadas F-FDTL, Tanente Jeneral (TenJen) Falur Rate Laek halo vizita servisu ba Componente Apoiu Servisu (CAS).

Vizita TenJen Falur ba CAS nudar vizita dahuluk hafoin jeneral fitun tolu ne’e troka pozisaun TenJen Lere Anan Timur ne’ebe rezigna an hodi kandidata an ba Prezidenti Republika.

XEMJ-FA, Tenente Jeneral Falur Rate Laek foto hamutuk ho Komandante CAS, Tenente Koroner Amindo Nunes ho nia estrutura wainhira vizita Kuartel Komponente Apoiu Servisu. Photo: VIPTV/Mario Fili

Iha vizita ne’e, TenJen Falur simu diretamente hosi Komandante Komponente Apoíu Servisu Tenente Koronel Armindo Nunes, ho nia estrutura tomak hosi Komponente Apoíu Servisu nian, no kontinua hala’o kedas dialogu ho membru Komponente Apoíu Servisu, hodi rona prekupasaun saida maka Komponente ida ne’e infrenta.

Durante dialogu entre Xefé Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál Falur Rate Laek, ho membru Komponente Apoíu Servisu, mosu duvidas no perguntas oioin hosi membru sira, liliu konaba transporte, lojistíka, saúde nian, enjiñaria, mekanik, komunikasaun, manutensaun, nomos servisu administrasaun ninian.

Hatan ba preokupasaun hirak ne’e, Tenente Jenerál Falur Rate Laek hateten sei servisu hamutuk ho komponente apoiu servisu hodi hare nesesidade saida maka persiza tau atensaun hodi lori instituisaun ne’e ba oin.

Reporter: Justinho Mendonca I Cameraman: Marcos dos Santos