banner 1000x250

Prevene Dezastre, Desiminasaun Risku Dezastre Importante ba Publiku

  • Share
Sekretariu Estadu Protesaun Sivil, Domingos Mariano Reis no Prezidenti Autoridade Protesaun Sivil, Superintendente Polisia Ismael da Costa Babo. Foto: VIP TV / Migelita de Jesus
banner 728x90

DILI, www.news-viptv.com – Hodi halo prevensaun dezastre iha Timor-Leste, Sekretariu Estadu Protesaun Sivil, Domingos Mariano Reis hare katak desiminasaun risku dezastre importante ba publiku.

Sekretraiu Estadu ne’e hasai lia hirak ne’e Iha workshop Validasaun Revizaun ne’ebe realiza hosi Autoridade Protesaun Sivil (APC) hamutuk ho Liña ministerial sira hodi ko’alia konaba konsultasaun ba parte interesante sira hotu hanesan liña Ministeriál sira, Institutu Estadu nian nomós parseiru dezenvolvimentu sira inklui organizasaun laos governu nian nune’e atu halo hotu relatóriu molok submete ba UNDRR.

“Objetivu ba sorumutu ne’e importante tebes ba ita hotu presiza halo validasaun ba relatóriu redusaun médiu tempu, ba enkuadramentu sendai redusaun riksu dezastre, iha Timor- Leste, segundu desiminasaun polítika nasionál, ba redusaun risku dezastre iha Timor-Leste, no objetivu terseiru maka solitiasaun kontribuisaun ba elabrorasaun relatóriu, ne’ebé husu lina ministerias sira atu kontribui, ita boot sira nia ideia no hanoin, para ita finaliza ita nia relatóriu sira, hodi haruka relatóriu ba nasones unidas, liuhosi MNEC,” dehan Domingos Mariano Reis, Kuarta (15/11/2023) iha Timor Plaza, Dili.

Sekretariu Estadu rekonese katak protesaun sivil labele halo buat sira ne’e mesak, tamba ne’e persiza koordenasaun no servisu hamutuk ho liña ministeriál sira hotu, tamba emtermus rekursu humanus, rekursu finaseiru rekusru logistika, rekursu fasilidade sira, la sufisente atu bele responde emerjénsia iha Timor- Leste.

“Tamba ida ne’e nu’udar governante husu apoiu, hosi liña ministeriál sira atu ita hotu hamutuk ho forsa ida de’it atu bele defini forsa traballu hodi bele responde dezastre iha ita nia rain,” dehan membru governu ne’e.

Governu, esplika sekretraiu estadu, iha meius hodi halo desimisaun redusaun risku dezastre maka liu hosi edukasaun ne’ebe estudante sira iha papel importante tamba liu hosi eskola, estudante sira bele aprende kona ba konesementu ba redusaun risku dezastre, tamba liu estudante bele espalla informasaun ba nia familia uma laran, vizinu no komunidade.

“Hare’e  iha ita nia rain por kauza koinesementu ita nia komunidade la dun iha entaun saida maka presiza halo hasa’e koinesementu komunidade sira kona ba jestaun lixu liu husi edukasaun redusaun risku dezastre liu husi linas ministerius liu husi edukasaun no mos liu husi estudante programa eskola ninian por exemplu edukasaun ba redusaun risku dezastre iha eskola nee fasil los tanba estudante komprende lolos kauza minimu estudante hatene kauza dezastre, sinais dezastre oinsa atu prevene no oinsa atu koidadu” hateten Domingos.

Parte seluk ne’ebe iha xavi importante maka Ministeriu Administrasaun Estatal ne’ebe ministeriu bele involve autoridade local sira hahu hosi administrador to’o iha aldeia.

Alex Tilman nu’udar Kordenador Rejilénsia Nasoen Unidas iha Timor-Leste kompromete Nasoens Unidas kontinua apoiu Governu Timor-Leste Iha área téknika nomós lojístika .

Nune’e mos Pontu Fokál  UNRCO, Serilio de Jesus Lobo Baptista esplika enkuadramentu Sendai nudar padraun global ida iha mundu uza hodi implementa sira nia atividade no programa sira liga ba redusaun riksu dezastre ninian.

Autoridade Protesaun Sivíl servisu hamutuk ho UNDRR ho liña Ministeriál sira objetivu Sendai ne’e oinsa atu Prevene risku dezastre liu husi implementasaun ba sasukat/ aksaun iha ekonomia, legal, sosiál, saúde, kultura, edukasaun, ambiente, teknolojia, polítika no instituisaun ida ne’ebé integradu no inkluzivu hodi prevene no redus perigu no vulnerabilidade ba dezastre, hasa’e nível preparasaun atu responde no haforsa reziliénsia.

  • Share

Leave a Reply

Your email address will not be published. Required fields are marked *

error: Content is protected !!