Pedro: Rekrutamentu Membru Espesial F-FDTL 87 Deit

DILI, www.news-viptv.com – Ministru Defeza, Donaciano da Costa Gomes “Pedro Klamar Fuik”, atualiza sei halo rekrutamentu espesial ba membru foun F-FDTL hamutuk 87 tinan ne’e.

Hafoin remata enkontru Konsellu Ministru, Pedro Klamar Fuik esplika katak prosesu rekrutamentu ne’e iha komisaun ida rasik mak organiza desde faze inisial hosi selesaun dokumentasaun to ultima faze teste fiziku no avaliasaun medika.

“Agora mak ita foin halo rekrutamentu espesial iha tinan ida ne’e, tanba prosesu ne’e pendenti tia hosi tinan kotuk no tinan ida ne’e mak ita foin implementa,” dehan Pedro Klamar Fuik ba Jornalista sira, iha Palacio do Governo, Kuarta (24/1/2024).

Ba rekrutamentu ne’e, Ministru Defeza ne esplika, prosesu inprinsipal sei finaliza iha fulan ne’e nia laran.

“Tanba ne’e orsamentu ne’ebe mak ita planea ba tinan ida ne’e, orentasaun mak ida ne’e, ita halo programasaun para atu bele tau orsamentu, no programasaun ne’e tenke efetivu, no implementasaun tenke efikas, Entaun orsamentu ne’e Ita tau tanba iha programa, no orsamentu eziste tanba programa,” nia dehan.