Major Li Mengyang Termina Nia Mandatu iha Timor-Leste

Dili, www.news-viptv.com – Major Li Mengyang neébe durante neé halao knar nuúdar adjuntu adidu defesa Xina iha Embaixada Xina ba Timor-Leste termina ona nia mandatu hodi husik Timor-Leste.

Relasiona ho nia mandatu neébe remata, Zefi Estadu Maior Jeneral F-FDTL,  Tenente Jenerál Falur Rate Laek hato’o agradese ba Major Li, ba servisu tomak ne’ebé nia halo durante tinan tolu (3).

”Agradese liliu ba esforsu hotu ne’ebé Major Li halo durante Pandemia COVID-19 nia laran, hodi Governu China fó apoiu nafatin ba FALINTIL-FDTL,” dehan Tenente Jeneral Falur Rate Laek iha pajinal offisial F-FDTL nian, neébe publika Kinta (14/7/2022).

Durante neé, iha nia servisu, Major Li fo apoia ba Senior Koronel Liu Miao nuúdar adido defesa Xina nian iha Timor-Leste.

Iha biban ida ne’e mós Adido Defeza Xina Koronel Liu Miao, konvida Xefe Estadu Maior Jenerál atu partisipa iha seremónia komemorasaun loron aniversáriu Chinese’s People Liberation Army (PLA) ba dala 95 monu iha loron 1 fulan Augostu tinan ne’e.

Antes termina enkontru Tenente Jenerál Falur Rate Laek, mós entrega tais FALINTIL nu’udar lembransa hosi Forsas Armadas Timor-Leste ba Adjuntu Adido Defeza, hanesan lasu amizade ne’ebé kesi metin entre Forsas Armadas Timor-Leste ho Forsas Armadas Xina nian.