Kontra Lei, Governu Destroi Olio Lubrikante husi Kompana Importador

TIBAR, www.news-viptv.com – Autoridade Nasional Petroleu (ANP) hamutuk Alfandega no Diresaun Nasional Kontrolu Poluisaun halo disposal ka destroisaun ba produtu olio lubrikante ne’ebe autoridade prende iha tinan 2024 no 2025.

Total olio lubrikante ne’ebe governu destroi hamutuk 1,803 kaixas husi kompana rua ne’ebe hatama husi Indonesia.

Vise-Presidente ANP Quintino Pereira esplika, alende halo distruisaun ba olio refere, kompana rua ne’ebe importa ne’e mos hetan sansaun administrativu ne’ebe YER Motor selu multa USD 75,000 no USD 64,583 ba kompana RHJ.

Olio lubrikante ne’ebe destroi ne’e hodi fakar ba tanki resiklazem iha Tibar no sei hamusu produtu gasoel hafoin liu resiklazem.