Kazu WNI Simu Pensaun Veteranu, PNTL Identifika Timoroan Balun Involve

DILI, www.news-viptv.com – Polisia Nasional Timor-Leste identifika ona sidadaun Timor-Leste balun ne’ebe fasilita sidadaun Indonesia ida ne’ebe simu pensaun veteranus.

Ba jornalista sira iha konferensia imprensa Porta Voz Komandu PNTL Superintendente Polísia João Belo dos Reis hateten, sidadaun Timor-Leste ne’ebe fasilita sidadaun Indonesia ho inisial FN ne’e dadauk polisia buka hela no sidadaun Indonesia refere prosesa ona ba ministeriu publiku.

Superior PNTL ne’e informa, liu husi kazu refere, polisia mos identifika no hetan tan kazu hanesan ne’ebe halo mos falsifikasaun dokumentus hodi simu pensaun vitalisia.

Sidadaun Indonesia feton inisial FN ne’e, autoridade seguransa PNTL husi DSIK halo indentifikasaun, hafoin simu ordem urjenti iha loron 31/12/2025 tuku 11:36 hodi halo kordenasaun servisu ho autoridade Migrasaun iha Fronteira Batugade kaptura kedas hodi submete ba prosesu Investigasaun, molok aprenzenta ba Ministru Públiku hodi kontinua prosesu ba oin tuir lei ne’ebé vigora iha Timor-Leste.

Komandu Polísia Nasional Timort-Leste (PNTL) durante selebrasaun Loron Natal 2025 no Tinan Foun 2026 hala’o Operasaun iha teritoriu nasional no rezista kazu Insidente bo’ot tolu (3) ne’ebe akontese iha munisipiu Ainaro, Ermera no Baucau.

Ba asidenti trafegu, PNTL relata ema 3 maka lakon vida ne’ebe nain 2 iha Suai no ida iha Dili.