Inkontru Ministerial g7+ Timor-Leste Partisipa Husi Nasaun 13

DILI, www.news-viptv.com  – Membru nasaun g7+ sei partisipa iha inkontru Ministerial ba dala ne’en durante tina 15 ezistensia organizasaun intergovernmental ne’ebe realiza iha Dili, Timor-Leste durante loron rua hahu loron 11 to’o 12 Abril 2025.

Nasaun 13 ne’e mak hanesan Afghanistao, Burundi, Republic Central African, Chade, Costa do Marfim, Guinea-Bissau, Haiti, Liberia, Sao Tome e Principe, Ilhas Salomão, Serra Leoa, Somalia, no Sudão do Sul.

Delegasaun husi nasaun 13 orseik Kinta to’o ona iha Timor-Leste no simu diretamente husi Sekretáriu Jerál g7+ Helder Da Costa.

Tuir agenda, abertura ba enkontru ministerial ne’e sei loke husi Primeiru Ministru (PM), Kay Rala Xanana Gusmão, ne’ebe sei akompahna mos husi Ministru Negosiu Estranjeiru no Kooperasaun (MNEK) Bendito Freitas ,nomos Ministru Defeza, Donaciano Da Costa Gomes, Pedru Klamar Fuik, inklui Sekretáriu Jerál g7+ Helder Da Costa.

Iha asuntu tolu ne’ebe mak  estadu no membru g7+ liuliu nasaun 13 ne’ebe hola prezensa iha enkontru ne’e maka permeiru sei koalia kona-ba avalia dezafiu durante tinan 15 organizasaun intergovernamental g7+,  segundo mak sei koalia kona-ba konsolida nivel ministerial, liuliu nivel Ministerio Negosio Estranjeiro no Kooperasaun, no terseiru mak sei ko’alia kona-ba estratejia ga matadalan g7+ ba dala 15 iha tinan ida ne’e.