Estadu fo Medalla Meritu ba Koreanu Nain 5

DILI, www.news-viptv.com – Estadu Liu hosi dekretu Presidente Repúblika no 61/2022 6 de Agusto kondekora militár Repúblika Korea do Sul nain 5 neébe lakon vida iha Mota Noel Ekat, Oekussi.

PR Ramos-Horta hasai foto hamutuk ho familia hosi militar Koreanu nain 5 ne´ebe lakon vida iha Oekusi. Photo: Media PR/Eugenio Pereira

Militar nain 5 ne´e maka, Tenente Koronel Min Byung Jo, Tenente Koronel Park Jin Kyu, Sarjento Park Jeonhun, Sarjento Choi Hee ho Sarjento Kim Juang Joon. Sira nain 5 neé lakon vida wainhira haknar an nu´udar Forsa Manutensaun Paz ONU ROKBATT (Republic of Korea Battalion).

“Ba família ne’ebé iha ne’e ha’u hakruuk ba imi, lori nasaun tomak nia kondelensia, hakuak imi hamutuk ho imi tan neon ba vida sira asidente mortal iha Oe-kusse,” dehan Prezidente Ramos Horta iha salaun Cina Palasíu Presidensiál Bairo-pite, segunda (08/08/2022).

Medalla meritu simboliza gratidaun ba sidadaun nasional no estranjeiru, nebe desempena papel ativu no krusial iha desenvolvimento no demokrasia iha Timor-Leste no sakrifisiu ba koloka segurança iha risku hodi servi povo Timor-Leste.

Sira nain 5 lakon vida iha 6 Marsu 2003, wainhira halo viajem ho kareta jeep rua hosi Bobometo ba Passabe hodi hadia. Wainhira kareta dahuluk avaria, nain rua sai hosi kareta hodi ajuda dudu no hetan ajuda mos hosi sira nain 3 hosi kareta daruak. Sira nain 5 labele salva tambá mota ho ondas bo´ot dasa sira no nain 1 to´o ohin loron sedauk hetan nia mate ruin.

“Hakarak hato’o ha’u nia agradesimentu wain ba Prezidente Repúblika mezmu okupadu bele realiza eventu ne’e, Ita hotu hatene militár evergreen Korea do Súl na’in lima mate liu ona tinan 19, ba ami tinan 19 lori mós memoria di’ak no at ba ita hotu,” dehan Embaixadór Korea Sul ba Timor-Leste, Kim Jeong Ho.

Reprezentante família, Jun Hyein kaben husi matebian Koronel Park Jin Kyu agradese ba estadu Timor-Leste ne´ebe valoriza Koreanu nain 5, inklui nia laen liu hosi medalla meritu maski ho laran susar, maibé sente duni katak sira nia morte sai duni hanesan baze fundasaun ba dezenvolvimentu Timor-Leste nian.

Durante misaun forsa manutensaun paz ONU iha Timor-Leste, iha mos militar balun hosi Nova Zelandia, Portugal, Bangladesh no Australia.