Austrália Oferese Fasilidade no Ekipamentus bá CAL F-FDTL

DILI, www.nws-viptv.com – FALINTIL-FDTL simu apoiu husi Forsas Armadas Austrália iha Timor Leste liuhusi Programa kooperasaun Defeza (DCP) ne’ebe oferese fasilidade nomós ekipamentus hanesan Kumputadór inklui Santarina bá komponente Aéreo Lijeira, Sexta (7/6/2024), iha Aeroportu Internasionál Prezidente Komandante Nicolau Lobato, Comoro Dili.

Koronel Helder da Costa nu’udar Komandante Komponente Aero Lijeira hateten, apoia ne’ebe fo husi DCP Australia ajuda tebes ba servisu komponente nian.

Iha fatin hanesan, Adjuntu Xefe Estadu Maior FALINTIL-FDTL Kapitaun Mar e Guerra, João Silva hatete, apoia ne’ebe oferese husi DCP pozitivu ba kooperasaun servisu entre DCP no F-FDTL hodi dezemvolve setor defeza iha Timor-Leste.

Adjuntu Xefi Estadu Maior F-FDTL apela atu membru iha komponente aero lijeira atu kuidade fasilidade no ekipamentu ne’ebe fo ona husi DCP Australia.

Hola prezensa mos iha seremonia ne’e adidu defeza Embaixada Australia, Coronel Paul Pembroke.