2023, Uma Kain 2.977 no Ema 35 Lakon Vida Tamba Dezastre Naturais

DILI, www.news-viptv.com  – Autoridade Protesaun Civil (APC) iha dadus tinan 2023 relata hamutuk uma kain 2.977 no ema nain 35 maka lakon vida tamba dezastre naturais.

“Iha tinan 2023 ne’e uma kain 2.977, ema lakon vida 35, ahi han uma 348, anin sobu uma 129, uma estragus husi inundasaun 811, rai halai estraga uma 570, tasi sae estraga uma 2, konflitu sosial Hamutuk 25, asidente kada ema hamutuk 57, ema kanek hamutuk 20, ema lakon ka lafaek han ema 3,” informa Diretor Gabinete Relasaun Externa no Komunikasaun (GREK) APC, Cesario da Silva Marques ba jornalista sira iha konferensia imprensa, Segunda (8/1/2024), iha edifisiu APC, Kaikoli, Dili.

Hosi numeru refere, APC halo ona rekuperasaun ba uma kain hamutuk 1.499 ne’ebe estragus tamba insendiu. No uma kain 206 (tamba dezastre seluk) maka hetan ona rekoperasaun no 503 sedauk halo verifikasaun.

Iha konferensia imprensa ne’e, APC mos atualiza dadus ba period 30 dezembro 2023 to 8 Janeiro 2024 ne’ebe rejist uma kain 9 hetan estragus tamba dezastre ne’ebe akontes eiha Municipio Bobonaru, Cova-Lima , Ermera, Liquisa, Lautem, RAEOA no Viqueque.

“Município Bobonaru akontese rai halai afeta uma kain 1 hetan estragus, Município Covalima ema ida lakon vida, Município Ermera ahi han uma 1, Município Liquisa anin sobu uma 1, Município Lautem ahi han uma 1, Municipio RAEOA anin sobu uma 2 no ahi han uma 1 no Municipiu Viqueque anin sobu uma 2,” esplika Cesário Marques.