TTX 2022, Australian Civil-Military Centre Fahe Esperensia ba Servisu Assistensia Humanitaria no Responde Desastre

DILI, www.news-viptv.com – Atu haforte servisu Autoridade Protesaun Civil iha nia atendementu ba assitensia humanitarian no responde desastre, Australian Civil-Military Centre fahe nia esperensia servisu iha Timor-Leste Table Top Exercise (TTX) 2022, loron datoluk nian, Sexta (2/9/2022) iha Hotel Timor, Dili.

Esperensia Australian Civil-Military Centre nian ne´e fahe hosi Damian Eaton ne´ebe sai orador iha diskusaun Table top exercise ba panel expertu sira hamutuk ho orador seluk hosi estadu unidos amerika, Dr. Alberto Morales, Jr ne´ebe mai hosi Centre for Excellence in Disastre Management and Humanitarian Assistance ne´ebe kuartel jeral iha Hawaii.

Alende orador rua neé, hola prezensa iha panel ne´e Roy Trivedy nudar Koordenador Residensia Nasoens Unidas iha Timor-Leste, no mos Prezidneti Autoridade Protecao Civil, Superintedente Polisia Ismael da Costa Babo.

Iha panel ne´e, diskuasaun fahe informasaun oinsa instituisaun ne´ebe orador sira servisu halo kordenasaun no atendementu ba iha assistensia humanitarian nian no responde desastre nian iha sira nia nasaun no oinsa servisu hamutuk entre forsa militar sira ho sivil.

Antes iha, iha sesaun dadersan, halo mos diskusaun panel ho topiku Protesaun no Involvimentu Jeneru iha Operasaun ba Responde Desastre ho nia orador hosi UN Women, USAID no UNICEF.

Alende diskusaun ho panel espesial, Table top exercise loron datoluk ne´e aprezensa single orador hosi UN Women ne´ebe koalia mos involvimentu iha responde desastre nian, no Diretor Nasional Bombeiros fahe mos informasaun kona ba servisu Bombeiros iha teritoriu Timor-Leste tomak.

Joseph Althouse hosi Institute for Security Governance maka sai moderador ba Table Top exercise loron datoluk nian neé.