Termina Kursu, Membru F-FDTL Prontu fo Protesaun no Seguransa ba Autoridade

Membru F-FDTL hamutuk nain 30 remata ona kursu estajiu ba Protesaun no Seguransa Autoridade ne’ebe realiza hosi Unidade Polisia Militar.

Kursu ne’ebe hahu hosi 20 Setembru to’o 1 Outubru ne’e termina ho fahe sertifikadu ba membru sira no fahe deretamente hosi Xefi Estadu Maior Forsas Armadas Brigadeiru Jeneral Calisto Santos “Coliati”.

Iha enserementu, Brigaderu Jeneral Coliati husu ba membru sira ne’ebe tuir kursu refere atu kaer metin padraun no uniformiza prosedimentu ne’ebe sira hetan durante iha kursu,

Jeneral fitun ida ne’e mos informa, F-FDTL liu hosi membru ne’ebe tuir kursu ne’e pronto atu apoiu estadu no governu ne’ebe persiza apoiu seguransa ba autoridade tantu tantu politiku no militar hosi hosi rai laran no mos rai liur.

Komandante interinu Unidade Polisia Militar, Kapitaun Francisco Xavier dos Reis esplika kursu ne’ebe membru nain 30 tuir ne’e mai hosi unidade 6 iha instituisaun F-FDTL no instrutor sira mai hosi unidade polisia militar no assessor ba pos estajiu hosi Brazil.