Rosa Quintão Prezidenti AFAMA Foun

Dili, www.news-vip.tv.com –Cidalia Mesquita nudar espouza hosi eis Xefi Estadu Maior Jeneral F-FDTL, Tanente Jeneral (reformadu) Lere Anan Timur remata ona nia lideransa nudar prezidenti Asosiasaun Familia Militar (AFAMA).

Pozisaun Cidalia Mesquita nudar Prezidenti AFAMA troka fali hosi Rosa M. Quintão, espoza Tanente Jeneral Falur Rate Laek, ne’ebe simu ona posse hosi Prezidenti Republika hodi asumi kargu Xefi Estadu Maior Jeneral F-FDTL.

Seremonia despedida entrega poder Prezidenti AFAMA ne’e rasik labele partisipa hosi Rosa Quintão, tamba hasoru problema saude.

Iha nia deskursu despedida nian, Cidalia relata hikas saida deit maka nia halo durante nia mandatu.  Programa ne’ebe konsege nia halo maka kapasitasaun rekursu umanu ba membru assosiasaun, atividade sosial hanesan vizita familia kbiit laek, vizita uma orfonatu, fahe material ba estudante sira, halo tratamentu saude gratuita inklui halo atividade desportu.

Cidalia hakotu nia diskursu hodi  hato’o liamenon ba Prezidente foun atu bele servisu hamutuk ho membru assosiasaun, inklui bele simu hanoin hosi membru sir aba programa AFAMA nian.

Seremonia entrega poder AFAMA ne’e mos hetan prezensa hosi Vise Xefi Estadu Maior Jeneral F-FDTL, Maijor Jeneral Calisto dos Santos Koliati ho ia espoza, Lucia de Jesus

Reporter: Angelina Soares I Cameraman: Mario Afili