PNTL Bandu Adeptus Bola Pawai, Kareta 1 no Motor 10 Adeptus Portugal Hetan Prende

DILI, www.news-viptv.com – Relasiona jogu Kopa Euro, Komando Polisia Nasional Timor Leste (PNTL) Munisipiu Dili bandu makas atu adeptus sira halo pawai antes no depois jogu remata, liliu iha tempu madrugada tempu ema hotu deskansa.

Komandante Komando PNTL Munisipiu Dili, Superintendente Xefi Orlando Gomes informa iha 19 Junu madrugada, PNTL Dili konsege prende kareta ida no motor 10 husi adeptus Portugal ne’ebe kontra regra sinais.

Iha Kuarta dadersan ohin, Unidade Polisia Tranzitu Nasional mos halo auto-stop ba iha area Lecidere ho objetivu atu hare dokumentu motorista sira, inklui hodi hare xapa-matrikula motor sira ne’ebe kontinua uza det matricula plastiku ou la uza matricula original.

Komandante Luis Costa ejiji nafatin ba komunidade sira ne’ebe lori transporte atu trata  karta kondusaun ba sira ne’ebe sedauk iha.