Membru CSP Nain 24 Partisipa Kursu Seguransa VIP

DILI, www.news-viptv.com – Corpos Seguransa Pessoal (CSP) Polisia Nasional Timor-Leste realiza tan kursu seguransa ba Very Important Person (VIP) nivel altu sira iha situasaun krusial.

Kursu refere partisipa hosi membru CSP nain 24, inklui membru feto nain rua no loke offisialmente hosi Komandante Unidade Espesial Superintedente Xefi, Orlando Gomes.

Komandante CSP, Inspektur Xefi Markus Soares Lopes informa katak hosi total membru nain 800 atus walu, nain 265 atus rua neen nulu resin lima mak ativu hela fo seguransa ba VIP sira.
CSP nu’udar kompañia ida hosi Unidade Espesial Polisia (UEP) ne’ebé iha elementu preparadu no treinadu atu kumpri misaun sira hanesan, rezolusaun no jestaun insidente krítiku. Intervensaun tátika iha situasaun violénsia konsertadu ka ho perigu ne´ebé aas, kompleksu no ho risku. Manutensaun no restabelesimentu orden públika. Seguransa no protesaun ba entidade boot. Seguransa ba eventu boot sira.

Alende ne’e, UEP-CSP mós halao misaun importante inativasaun explozivu no exekusaun buska preventivu sira. Seguransa instalasaun sensível, preferensialmente iha situasaun apoiu ka reforsu. Preparasaun no projesaun forsa ba misaun internasionál.

Funsaun Unidade Espesial Polísia hanesan unidade rezerva ida, ho efetivu variável, ne´ebé atua tuir orden husi Komandante-Jeral, iha situasuan reforsu ba Komandu distrital sira ka iha situasaun kumprimentu misaun autónoma.