Komunidade Timoroan Partisipa Eventu Futebol Entre Etniku iha Belfast

Belfast, news-viptv.com – Hafoin sai uma nain ba jogu Euro 2021, Irlandia Norte kontinua sai uma nain hodi realiza eventu internasional ne’ebe involve komunidade etniku sira, inklui Timoroan sira.

Tuir publikasaun bbcnews, hamutuk iha nasaun 15 ne’ebe kompete iha eventu ne’ebe hanaran Taça Konfederasaun Irlandia Norte Daruak. Torneiu ne’e, organiza hosi Organizasaun Etniku Minoria Irlandia Norte (ESMONI) ho suporta hosi Rosario Youth Football Club.

Idea ne’e mai hosi EMSONI Adekanmi Abayomi, ne’ebe hateten desportu nudar transporte ne’ebe perfeitu hodi unifika ema.

“Ne’e laos kona ba futebol, ne’e kona ba ema hotu ne’ebe halibur, haksolok, konese malu fora desportu, atu hatene sira nia hahan, sira nia kultura no sira nia vida moris,” nia dehan.

Nia hateten tan, “Ne’e hafasil ita atu moris hare’e malu, sempre susar atu moris hamutuk ho ema ne’ebe ita la konese. Tamba ne’e, desportu importante hodi kria plataforma ba konese malu, nune’e sira bele komprende no hatene oinsa moris hamutuk”.

Iha jogu final, Timor-Leste halakon Romania 7-3 iha adeptus kuaze 800. Iha terseiru lugar, Portugal halakon Limestone Utd 6-1.

Barbara Mageean, hosi Rosario Community Outreach Committee informa, kada ekipa (komunidade etniku) lori buat ida ne’e espesial.

“Kada ekipa lori sira nia adeptus, maioria ekipa lori sira nia musika, ema Zimbabwe makas los. Timoroan sira extra-ordinariu, no ema Romania kada jogu sempre lori sira nia hahan rasik, no fahe mos ba ema seluk. Ne’e hotu kona ba integrasaun. Ne’e besik no privadu, ita laiha opsaun, exeptu ransu ho ema sira ne’e,” dehan Mageean.

Tinan oin, nia dehan, laos ekipa 15 deit maka sei partisipa, maibe iha tan komunidade etniku hosi nasaun 4 seluk ne’ebe hakarak partisipa hanesan hosi Grecia, Turkia, India ho Pakistaun.