PM Xanana Partisipa Konferensia Mundial Oseanu iha Athena

DILI, www.news-viptv.com – Primeiru-Ministru, Kay Rala Xanana Gusmão, iha ona Athena, Gresia hodi partisipa Konferensia Oseanu ba dala sia.

Iha Athena, PM Xanana ho delegasaun simu hosi Embaixadór Timor-Leste iha Brusselas, Jorge Trindade Camões akompaña hosi Diretora Nasionál Ministériu Negósiu Estranjeiru no Kooperasaun (MNEK), iha Europa no Áfrika, Josefina Tilman.

PM Xanana reprezenta Prezidente Repúblika, José Ramos-Horta ne’ebé simu konvite hosi Primeiru-Ministru Grécia, Kyriakos Mitsotakis hodi hato’o pozisaun Timor-Leste iha konferénsia Oseanu.

Eventu ne’e sei hala’o iha Salaun Kovensaun King Hussein Bin Talal, Hilton Dead Sea, Atenas partisipa hosi Xefe Estadu no Xefe Governu, no organizasaun internasionál sira hodi hato’o sira-nia hanoin durante konferénsia, hodi servisu hamutuk hodi proteje tasi ne’ebé moos no saudavel.

Eventu internasionál ne’e, sei deskute temátika importante sira hanesan, hametin kooperasaun servisu hamutuk atu proteje tasi, deskute kontinuasaun kooperasaun ba ekonomia azúl, mudansa klimátika, seguransa ba marrítima, kontrolu no kuidadu tasi ne’ebé mos no asuntu seluk-tán.

Primeiru-Ministru, Kay Rala Xanana Gusmão sei hato’o mós palestra hamutuk ho bainaka importante sira hanesan, Primeiru-Ministru São Tomé Príncipe, Patrice Emery Trovoada, Primeiru-Ministru Cavo-Verde, Ulysses Correia e Silva no seluk-tán.