PM Konsidera Traballador Timoroan iha Rai Liur nu’udar Embaixador

DILI,www.news-viptv.com – Primeiru-Ministru (PM), Kay Rala Xanana Gusmão konsidera Timoroan hot-hotu ne’ebe servisu iha rai liur hanesan embaixador ba Timor-Leste.

Iha nia vizita ba Reinu Unido no hasoru malu ho Timoroan sira, Xefe Governu husu ba Timor-oan hotu- hotu hatudu a’an hanesan  embaixadór foinsa’e atu presta servisu ho disiplina, badinas hodi manán espriénsia servisu no hetan konfiansa hosi povu no Estadu Reinu-Unidu.

Alende hasoru malu ho Timoroan sira, xefi governu ne’e mos lansa Programa Podcast The Citizen Connection, nudar programa informasaun ida hosi Embaixada Timor-Leste iha Reinu Unido hodi interkonesaun ba Timor-oan sira hodi asesu informasaun ne’ebé di’ak ba sira-nia a’an no sosiedade.

Hodi fasilita servisu embaixada nian, Governu Timor-Leste mos sei hola uma ida hodi sai edifisiu permanente iha London.

Hafoin vizita Reinu Unidos, PM Xanana ho delegasaun kontinua vizita nia servisu ba Athena, Gresia hodi reprezenta xefi estadu iha Konferensia Mundial kona ba oseania no ikus sei loke paviliaun Timor-Leste nian iha Exsibisaun Arte Mundial iha Biennale, Italia.