DÍLI, www.news-viptv.com – Xefi Estadu Maior Forsas Armadas FALINTIL-FDTL, Komodoru Pedro Klamar Fuik husu nafatin ba estrutura sira iha komponente Formasaun no Treinu Komandante Nicolau Lobatu atu kontinua sira nia papel hodi bele dezemvolve militar no transforma membru sira iha forsas armadas.
Komodoru Pedro Klamar Fuik hato’o lia hirak ne’e ba jornalista sira hafoin partisipa seremonia aniversariu komponente Formasaun no Treinu ba dala 21, Sabadu (19/2/2022), iha Metinaro.
Rekonese katak Komponente Formasaun no Treinu nudar abut ba formasaun membru militar sira, maski ho preokupasaun no hasoru problema fasilidade no infraestrutura, Komandante Komponente Formasaun no Treinu, Koroner Infantria Cesario Salestiano Marcal Ximenes ho nia estrutura sira kontinua tau konsentra sira nia responsabilidade hodi transforma membru militar sira iha forsas armadas.
Ekipa kobertura VIP TV