Inkontru PR Horta ho PM Xanana, Relata Simeira ASEAN-Australia no Taka Bola Guling

DILI, www.news-viptv.com – Simeira ASEAN-Australia Summit ne’ebe foin lais Primeiru Ministru Xanana Gusmao partisipa sai topiku ba inkontru regular xefi governu ne’e ho Prezidenti Republika Jose Ramos-Horta, Kinta (14/3/2024), iha Palasiu Prezidente Nicolau Lobato, Dili.

Iha simeira ne’e, xefi governu ne’e mos fo hanoin atu lider no responsavel governu hosi membru estadu ASEAN atu kontinua halo dialogu hodi rezolve problema rejiaun nian, inklui internasional hodi evita funu.

Xefi Governu ne’e mos hato’o ba xefi Estadu kona ba vizita Sekretariu Jeral CPLP, Zacarias Albano ho nia delegasaun hodi hasoru malu ho Governu.

Ba jornalista sira, Primeiru-Ministru Xanana Gusmao mos deklara katak Konsellu Ministru hasai ona rezulusaun hodi taka atividade bola guling.