Dezastre 16-22 Janieiru 2024, Ema 4  Mate, Uma 49 Hetan Estragus

DILI, www.news-viptv.com – Dezastre naturais ne’ebe akontese durante periodu 16 to’o 22 Janieiru 2024 rezulta ema nain 4 mate no uma hosi xefi familia nain 49 maka hetan estragus.

Iha atualizasaun dadus ne’ebe relata hosi Gabinete Relasaun Externa no Komunikasaun –  Autoridade Proteção Civil (GREC-APC), ema nain 4 ne’ebe mate ne’e rejista hosi Munisipiu Liquisa.

Diretor GREC-APC, Cesario da Silva Marques vitima sira ne’e sofre tamba akontesimentu dezastre naturais hanesan anin estragus uma ho kuantidade boot hamutuk 36, Ahi han uma hamutuk 8, rai halai 5, lakon vida nain 4., ne’ebé afeitadu husi Munisípiu 8 mak Aileu, Baucau, Bobonaro, Covalima, Ermera, Likisa, RAEOA no Viqueque.

“Hahu husi Janeiru, APC, rejistu uma hamutuk Xefi famílias 49 mak hetan estragus, Vitima nain 4 Lakon Vida (Mate) husi Munisipiu Aileu (Anin Sobu uma 2); Baucau (Anin sobu uma 5, Ahi han uma 3); Bobonaro (Anin sobu uma 1, Ahi han uma 2, Rai halai estragus uma 3); Munisipiu Covalima (Anin sobu uma 9, Ahi han uma 3); Ermera (Anin sobu uma 9, Rai halai estragus uma 2); Munisipiu Liquiça (Anin Sobu uma 3, vitima lakon vida 3); RAEOA (Anin sobu uma 1), Municipiu Viqueque (Anin Sobu Uma 3, vitima lakon vida 1),” informa porta-voz APC ne’e ba jornalista sira iha konferensia imprensa, Segunda (22/1/2024), iha Edifisiu APC, Kaikoli, Dili.

Ba vitima sira, Komandu APC Munisipiu ho Parseirus Relevante fornese ona asistensia emerjensia ba família afetadus sira mak hanesan Ai-han no laos Ai-han (food item & Non-food Item ).

“Komandu Operasional Autoridade Protesaun Sivil (APC) Munisipiu sira sei kontinua halo hela levantamentu detaillu sira kona-áa sasan ne’ebe estragus no lakon,” nia dehan.

APC apela ba komunidade sira tuir previzaun husi Meteorologia CNOPC-APC kordena ho DNMG-MTC, observa kondisaun Tempu iha rejiaun Timor-Leste hahu husi dia 22-26 de Janeiro 2024, hakarak informa ba komununidade em geral iha teritóriu Timor laran tomak katak, tuir observasaun husi modelu metrolójia kona-bá previzaun tempu ba semana ida ne’e (22-26/01/2024) hatudu katak maioria atmosfera sei instavel ka kalohan taka, iha ne’ebe sei favoreze udan ho intensidade husi Moderadu ba Forte liuliu iha kosta Norte,Oeste no rejiaun Foho, preferencialmente iha parte lokraik no iniciu kalan.

Diretor GREC-APC ne’e mos hateten iha semana ne’e mós alem de udan se akompaña mós ho anin ne’ebé hu’u- ho velosidade naton ba forte ( 17-31 km/h) iha rejain kosterias no rejiaun Foho. Temparatura másimu atinji to’o 32oC iha rejiaun Kosteras (Dili, Covalima, Viqueque, RAEOA, Bobonaro no Baucau) no iha rejiaun foho sira másimu 27oC. Enkuanto kondisaun laloran tasi nia a’as sei (Varia husi 0.7-1.7 m) tantu kosta Norte no Sul (Normal-Moderadu).