banner 1000x250

Alferes Alarico Magalhaes Kompleta Kursu Baziku RAE ROBC iha Australia

  • Share
Alferes Alarico Magalhaes no nia Seksaun durante Kursu RAE ROBC 01/2021. Photo: Australia in Timor-Leste
banner 728x90

VIPTV, DILI – Offisial FALINTIL – Forsa Defeza Timor-Leste (F-FDTL), Alferes Alarico Magalhaes kompleta ona Kursu Báziku Ofisiál Rejimental Royal Australian Engineer 01/2021 (Royal Australian Engineer Regimental Officers Basic Course – RAE ROBC) iha Australia ho susesu.

Tuir informasaun offisial ne’ebe publika iha Pajina Facebook Australia in Timor-Leste esplika, durante fulan neen formasaun iha Austrália, Alferes Magalhaes aprende no tuir teste ba tópiku neen ba Konstrusaun, Esplosivu, Minas Terrestres, Halo Ponte, Defeza Kímika, Obstakúlu, no Enjiñeria Kombate.

banner 1000x250

Mós hala’o serbisu iha tempu kalan no fim-de-semana barak hodi dezenvolve planu no instrusaun sira, nia ho nia kursu hetan teste fizikamente no mós mentalidade liuhosi formasaun fíziku lorloron no enfrenta Austrália nia tempu rai-malirin.

“Ida ne’e hanesan kursu ne’ebé todan liu mai ha’u ne’ebé mak ha’u hala’o ona, maibé ami hakat liu hamutuk.” Dehan Alferes Magalhaes.

Kursu ida ne’e prepara ona Alferes Magalhães hodi hala’o papél nu’udar F-FDTL nia Komandante Pelotaun Enjiñeria nian.

Austrália nia Programa Kooperasaun Defeza haksolok tebes bele apoia.

Iha 1999, hafoin rezultadu Konsulta Popular ne’ebe desidi Timor-Leste haketak an ona hosi teritoriu Republika Indonesia mosu violasaun diretu umanu ne’ebe lansa hosi milisia pro integrasaun sira no ikus Governu Australia haruka nia forsa militar ho naran INTERFET (The International Force in East Timor) ho objetivu hodi responde krizi umanitaria ho seguransa to’o Nasoens Unidas haruka fali nia misaun hodi administrativa Timor-Leste nia prosesu independensia.

  • Share

Leave a Reply

Your email address will not be published. Required fields are marked *

error: Content is protected !!