PR Ramos-Horta Sei Partisipa Seremonia Funeral Papa Francisco

DILI, www.news-viptv.com – Prezidente Republika (PR), Jose Ramos-Horta hamutuk Ministru Negosiu Estranjeiru no Kooperasaun, Bendito Freitas sei partisipa seremonia funeral Papa Francisco ne’ebe sei realiza iha Vatikanu, 26 Abril 2025.

Iha Bulgaria, iha lia fuan sentidu kondolensia, xefi estadu hateten Papa Francisco Papa ida ke impaktu klean liu iha istoria mundu, iha istoria Kristandade, no Papa ne’ebe la tauk kontra poder mundial sira, no sempre kontra poder sira ne’ebe la hanoin kiak sira, i sira ne’ebe hanehan rai fraku.

Papa Francisco iha 9 to’o Setembru 2024 halo nia vizita iha Dili, Timor-Leste no hamutuk ho sarani Timoroan sira rihun atus ne’en liu iha misa santidade ne’ebe halao iha Tasi Tolu, Dili.

Papa Francisco hakotu nia i’is iha loron 21 Abril, oras 7:35 Vatikanu nian, ho idade 88.

Papa Francisco, moris iha Buenos Aires Argentina, iha loron 17 fulan- dezembru 1936 ho naran kompletu, Jorge Mario Bergoglio.