Governu Planeia Ona Estabelesementu Konsuladu Jeral iha Irlanda do Norte

DILI, www.news-viptv.com – Relasiona ho pedidu Timoroan sira iha Irlanda do Norte hodi husu estadu Timor-Leste loke konsuladu jeral iha nasaun refere, Ministra Negosiu Estranjeiur no Koperasaun Adaljiza Magno esplika desde tinan kotuk governu hahu ona diskusaun iha konsellu ministru ba kriasaun konsuladu jeral ne’e.

Iha programa Meet the Press foin lais ne’e, Ministra esplika dadauk ne’e depende deit konsellu ministru hodi deside no wainhira goevrnu aprova Parlamentu Nasional nasiona mos bele aprova nia orsamentu jeral estadu ba konsuladu jeral ne’e.

Ministra mos informa, governu tenta nafatin koalia ho Governu Inglatera hodi bele simu sidadaun Timoroan sira servisu ho passporte Timor-Leste liu hosi koperasaun entre govenru ho governu, hanesan koperasaun ne’ebe halo ona ho Australia no Koreia Sul.

Iha meet the press ne’e, Ministra Adaljiza hato’o mos kona ba progressu ne’ebe durante ne’e MNEK atinji ona iha tinan 1 desde 2020 to’o 2021, inklui oinsa prepara Timor-Leste ba adezasaun ASEAN nian.

Alende hato’o progressu ba servisu MNEK, iha meet the press ne’e Sekretaria Estadu Igualidade no Inkluzasaun, Maria Fatima Correia informa kona ba saida maka SEII atinji ona maski nia foin fulan ida asumi kargu refere.

Ih ania mandate nia sei kontinua hodi hakbiit feto iha ekonomia hodi fo tulun fundus ba feto sira nia atividade negosiu, inklui oinsa kontinua fo protesaun ba vitima sira ba kazu violensa kontra feto no kazu insestu no violasaun seksual.

Reporter: Gantry Meilana  I  Cameraman: Justinho Mendonca