Rede Koligasaun Agrikultor Husu Governu Tau Prioridade ba Ekonomia Agrikultura

Dili, www.news-viptv.com – Atu labele depedensia bao san mina ho gas, Rede Koligasaun Agrikultor husu ba Governu atu tau prioridade ba ekonomia agrikultura tamba setor ne’e bele fo rendementu ba estadu.

Diretor Rede Koligasaun Agrikultor, Zaguel Martins do Carmo espera iha Orsamentu Jeral Estadu nian IX Governu Konstitusional bele tau prioridade orsamentu ba area agrikultura hodi bele hasa’e produsaun agrikultura rai laran nian.

“Ami fo hanoin nafatin  ba Konsellu Ministru atu tau orsamentu ba agrikultor sira, tanba ita iha Timor ita bazea liu ba estadu ho mina deit, maibe ita la hanoin tempu ida mina sei maran, ita labele hare’e liu ba mina, ita mos buka meus oinsa atu dezenvolve agrikultura hodi hasa’e produsaun ekonomia familiar nian,” dehan Zaguel ba Jornalista iha konferensia impressa, Kinta (7/12/2023), iha edifisiu NGO Haburas Farol, Dili.

Rede Koligasaun Agrikultor Timor-Leste nu’udar rede ida ne’ebe envolve grupu agrikultor ho ema defisiensa sira ne’ebe kompostu hosi orgaizasaun 21 hodi hare assuntu agrikultor nian ne’ebe liga ho programa grovernu nian.

Hosi sira nia grupu, konsege halo produsaun ona produtu agrikultura hanesan Strawberry, Café, Ainanas, Rambutan, Buah-Naga, pupuk organiku no sel-seluk tan.

Maski halo produsaun no governu la sosa, maibe sira iha merkadu ne’ebe liga ho supermerkadu sira iha Kapital Dili.

Iha parte seluk, rede ne’e mos husu ba governu atu hadia estrada rural sira ne’ebe sira nia grupu halo produsaun atu nune’e bele fasilita lori sira nia produtu ba merkadu.