PR Ramos-Horta Inagura Academia Musika D. Alberto Ricardo da Silva

DILI, www.news-viptv.com – Prezidenti Republika Jose Ramos Horta hamutuk ho Bispo Dom Norberto do Amaral iha Sexta (6/12/2024), inaugura Academia de Música Dom Alberto Ricardo da Silva (AMDAR), academia musika dahuluk iha Timor-Leste.

Academia de Música Dom Alberto Ricardo da Silva harii ho vizaun sai eskola formasaun organizadu ba arte musika no estetika ba komunidade ho konesementu baziku no espesifiku hodi compete, tantu iha area musika secular no mos musika liturjia, bazeia ba fee no matenek ba interese serve ba estadu no igreja.

Ho vizaun Academia de Música Dom Alberto Ricardo da Silva maka oferese formasaun kualidade iha arte musika, musika secular no liturjia, liu husi estudu baziku, teoria no pratika, academia musika ne’e iha misaun importante tolu iha nia estabelesementu maka Fo formasaun kualidade iha harmonia iha aprezentasaun orchestra no kanta koral, no desenvolve kapasidade arte musika alunu nian, hodi eduka individu balun ne’ebe interesante hodi serve ba nasaun no igreja.