PN Husu HIV-SIDA Sai Materia iha Kurikulum Eskolar

DILI, www.news-viptv.com – Hare ba moras Human Immunodeficiency Viruses – Acquired Immunodeficiency Syndrome (HIV-SIDA, sigla Tetum) ne’ebe mos aumenta maka iha Timor-Leste, membru Parlamentu Nasional (PN) husu ba govenru atu HIV-SIDA bele sai mos materia iha kurikulum escolar.  

“Sujere ba Ministeiru Edukasaun atu fo mos sensibiliza informasaun intensiva edukasaun sexual no matéria HIV-SIDA ba iha eskola sira sai matéria jeral estudante sira hodi sira bele iha konesimentu ba moras ne’e tamba moras ne’e perigu tebes,” informa Deputada Bankada Partidu Demokratiku (PD) Rozena Fatima de Oliveira Martins ba jornalista sira, foin lais ne’e.

Tuir nian, hanesan moras ne’ebe perigoju no bele ameasa future jovem, goveru persiza duni asaun prevensaun atu nune’e moras ne’e labele oho bebeik joven sira tamba laiha konesementu ba moras ne’ebe nia daet liu hosi transmisaun ran hodi relasaun sexual.

Prevensaun seluk ne’ebe governu bele halo maka, taka situs pornografia ne’ebe mos lori impaktu ba joventude sira ne’ebe iha asesu livre.

Lia hanesan hatoo hosi Xefi Komisaun F ne’ebé trata asuntu Saúde, Seguransa Sosiál no lgualdade Jéneru, Maria Barreto Gorumali rekoñese katak moras HIV-SIDA kontinua aumenta nune’e prezisa tau atensaun maximu.

“HIV-SIDA ne’e ita la tau hanesan matéria espesifiku maibe nia tenki ajusta ba iha saúde reprodutiva tau iha prontu ne’ebe mak iha nune’e ita nia foinsae sira bele hatene tamba ne’e Tempu ona para ita nia foinsae sira hatene jere sira nia isin lolon rasik,” nia dehan.

Tuir Dadus Iha Timor-Leste ne’ebe update husi institutu Nasional Kombate HIV-SIDA iha Setembru 2023 total hamutuk 2050 ho idade ne’ebe afeta barak por volta idade 25 to’o 44 hamutuk 1205, idade 15 to’o 24 hamutuk 572 husi dadus ne’e Mane hamutuk 1357 feto hamutuk 645 husi dadus ne’e mos hatudu katak 1060 agora sei halo hela tratamentu no kuaze 300 pessoas mak mate ona ida.