Oan Mane Khadafi, Saif Al-Islam Sei Kandidata an ba Prezidenti Libya

DILI, news-viptv.com – Saif Al-Islam, oan mane hosi eis lideransa Libya, Muammar Khadafi (matebian) deklara sei invelve an ba mundu politiku hodi kandidata an ba prezidenti Libya nian, hafoin nia nasaun rahun tamba hetan ataka hosi forsa estranjeiru no funu interna.

Iha gravasaun video intervista ho The New York Times ne’ebe hatutan hosi Middle East Monitor, Saif hato’o nia intensaun atu fila ba mundu politika hafoin lakon hosi observasaun publiku durante dekade ida (tinan 10).

“Hau umanu ne’ebe livre no planea fali fila ba mundu politika,’’ dehan Saif.

Durante nia subar an, Saif sempre observa situasaun Mediu-Oriente no forma ona forsa hodi fanu hikas Partidu Matak ne’ebe iha pasadu suporta poder nia aman nian.

Saif reklama, movimentu politiku ne’ebe nia lidera bele re-unika hikas grupu sosiedade Libya sira ne’ebe durante ne’e rahun.

“Politiku sira labele fo buat ida, exeptu terus, agora tempu fila fali ba pasadu. Sira halo relasaun sexsual no hamoes ita nia nasaun. Ita laiha osan, ita laiha seguransa no laiha moris. Se ita ba estasaun mina, laiha ona mina,” dehan Saif.

“Ita importador mina no gas ba Italia, no ita mos distribui eletresidade ba Italia, maibe agora ita mak terus ba distribuisaun elstresidade. Saida maka akontese dadauk ne’e failla hotu, ne’e komiku ida,” hatutan Saif.  

Saif kapturadu hosi grupu armas ida iha Libya wainhira sira ataka konvoi kareta ne’ebe lao besik Sidade Ubari iha 2011 liu ba. Konvoi ne’e iha nia viagem ba Nigeria

Wainhira halo passa revista, Saif mos iha kareta laran ida ho nia liman falun ho ligadura. Grupu armas ne’e konese Saif hosi nia ulun botak. Grupu ne’e kaer kedan Saif tamba momentu ne’eba Saif sai buronan Tribunal Internasional. Grupu ne’e deside subar nia hafopin eleisaun jeral tinan 2012. Depois ne’e sira husik nia no ema lahatene nia padraun.

Tuir esplikasaun Saif, grupu armas ne’ebe kaer nia tinan 10 liu ba hanoin ona ba mehi revolusaun. Grupu refere mos agora sai aliadu ba nia, maski iha pasadu sira kontra rezime nia aman nian.

Dadauk ne’e, grupu supporta matebian Khadafi forma ona stratejia hodi ukun no hanoin ba rekonsiliasaun nasional liu hosi eleisaun prezidenti no parlamentar tinan 2021.

Maski senariu ne’e imposivel,maibe apoiante Khadafi labele subar sira nian hakarak hodi suporta Saif nudar kandidatu prezidenti Libya. Tuir relatoriu Rusia no suku sira iha Libya ne’ebe leal ba Khadafi prontu dudu matebian nia oan ne’e ba kandidatu prezidenti.

Iha parte seluk, grupu opozisaun ne’ebe halo revolta iha 17 Fevreiru 2011, taridu ba prezensa Saif tamba bele hamosu odiu vigansa. Opozisaun sira mos buka hela planu oinsa blokea Saif nia planu ba mundu politika.  

Dadauk ne’e Libya iha governu rua ne’ebe kontra malu, ida mak konsentra iha Benghazi no ukun hosi Jeneral Khalifa Haftar no governasaun ne’ebe rekonese hosi Organizasaun Nasones Unidas (ONU) iha Tripoli.

Saif nudar oan dahuluk hosi Khadafi nia kazamentu ho nia fen daruak, Safiya Farkash.

Muhammad, oan daruak Khadafi hosi nia fen dahuluk,Fatiha, dadauk ne’e lahatene nia padraun.

Inan no alin mane ho feto Saif, Hannibal ho Aisha halai ba Aljazair hafoin akontese revolusaun no ataka hosi forsa aliadu estranjeiru.

Nia alin ida tan naran Saadi halai no subar iha Nigeria. Saadi konsege ba Mexico nudar migrante illegal maibe failha.

Nia alin 3 seluk, Mu’tassim, Khamis no Saif al-Arab, mate tamba hetan oho hosi grupu revolta Libya no ataka bomba hosi NATO – Forsa Militar ba Atlantiku Norte.