Guiné Equatorial Kondekora PM Xanana ho Medalla Grand Cruz ba Ordem Independensia

DILI, www.news-viptv.com – Hodi rekonese servisu diplomasia no politika estranjeiru Primeiru Ministru Xanana Gusmão nian, Estadu Guiné Equatorial liu husi Prezidente Guiné Equatorial Teodoro Brian kondekora xefi governu ho medalla Grand Cruz ba Ordem Independensia.

Medalla ne’e simu dereta husi Embaixadora Timor-Leste bá CPLP, Laura Abrantes no entrega ona ba ba PM Xanana iha inkontru ne’ebe halo iha Palácio do Governo, Sexta (6/9/2024).

Embaixadora Laura Abrantes esplika, lolo’os medalla ne’e PM Xanana simu iha selebrasaun desimu aniversário Guiné Equatorial ba adezaun Comunidade dos Países da Língua Português (CPLP).

“Enkontru ida ohin primeiru objetivo mak atu entrega medalha grau krus ba ordem independênsia Guiné Equatorial ba sua selensia nia kontributu emestimável iha tinan 10 liu ba, entaun iha selebrasaun desimu aniversário Guiné Ekuatorial ba desizaun Comunidade dos Países da Língua Português CPLP, na altura Maun Bo’ot Xanana mak estratejikamente, politikamente i diplomatikamente halo Guinea Equatorial sai membru ba CPLP, entaun sira nia rekoinesimentu ka kontributu emestimável ne’ebe maka sua selensia primeiro ministro Kay Rala Xanana Gusmão halo hakarak atu Guiné Equatorial sai membru ba CPLP,” dehan Embaixadora Laura Abrantes.

Alende ne’e, embaixadora ne’e mos atualiza misaun no servisu ninian nu’udar embaixadora ba CPLP.

Guiné Equatorial sai membru CPLP iha simeira desimu xefi estadu CPLP iha Jullu 2014 wainhira Timor-Leste sai uma nain ba simeira xefi estadu ne’e.