Ministru Defeza Sei Desenvolve F-FDTL ba Assitensia Umanitaria no Saude

DILI, www.news-viptv.com – Ministeriu Defeza sei dezenvolve instituisaun FALINTIL- Forsa Defeza Timor-Leste (F-FDTL) hodi fo assitensia umanitaria no assistensia saude.

Persfetiva dezenvolvimentu ba area foun rua ne’e Ministru Defeza (MD), Donaciano do Rosário da Costa Gomes “Pedro Klamar Fuik” koalia ba media sira hafoin hasoru malu ho Primeiru Ministru Xanana Gusmão, Tersa (25/6/2024), iha Palacio do Governo, Dili.

Konseitu ne’e bazeia bá orientasaun pás nian tanba ohin loron funu mosu iha fatin hotu-hotu iha sikun sira mundu nian, no atividade rua ne’e hola parte iha konstrusaun pás iha Timor-Leste no mundu.

Maski pais amigu barak maka hakarak halo ezersizu funu iha Timor-Leste, maibe Ministru Defeza ne’e deklara katak Timor-Leste lakohi tan funu tamba orientasaun lolo’os maka hakarak kontribui ba paz.

Tamba ne’e ba oin, F-FDTL tenke haree oinsá prepara rekursu umanu ne’ebé treinadu no mós iha formasaun adekuadu hodi bele responde no bele ezekuta prespetiva rua ne’e iha futuru.