Janieiru 2024, PNTL Rejista Ema 7 Mate Tamba Assidenti

DILI, www.news-viptv.com – Polisia Nasional Timor-Leste (PNTL) liuhusi Seksaun Trânsitu Nasional durante Janieiru 2024 rejista ema nain hitu (7) maka mate tamba assidenti.

“Asidente kuaze semana tolu ne’e nian laran total asidente ne’e iha territóriu Timor laran tomak ne’e ne’ebe ami regista hamutuk 95 asidente. Entre 95 kanek kaman hamutuk 116, kanek todan ne’e mak 39 no lakon vita (mate) iha ema nain 7,” informa Xefe Transitu Seguransa Rodaviariu PNTL, Superintendente Asistente Luis da Costa ba jornalista sira Kuarta (24/01/2024), iha Kuartel Jeral PNTL, Kaikoli, Dili.

Ho assidente ne’ebe akontese ne’ebe kauza hosi fatore humanu nian no kontra Lei Kodigu Estrada, nia apela ba publiku liuliu ba kondutor (motorista) sira atu konduz kareta ou motor tenki passa revista uluk viakulu ou motor nia kondisaun hodi bele hamenus asidente nune’e movimentasaun lao ho di’ak.

“Aproveita oportunidade ida ne’e avizu ba iha ba kareta nain sira liuliu transporte públiku katak antes fo save ba motorista sira orientasaun dahuluk tenki pasa revista kareta nia kondisaun nune’e bele afita asidente,” nia apela.

Ho asidente husi loron ba loron sempre akontese iha fatin-fatin tamba ne’e PNTL liu husi seksaun Transitu Seguransa rodaviariu nafatin halo sosializa husi media nune’e kondutor sira bele konduz ho di’ak.

“Agora ita tenta nafatin oinsa atu sosializa lei kodigu estrada nune’e ema hotu ne’ebe utiliza transporte ne’e bele iha disiplina tamba iha asidente Iha Ainaro Maubesi ne’ebe resulta ema kanek todan porkauza viakulu tamba antes atu lao la kontrola viakulu ne’e rasik,” informa Xefe Trânsitu ne’e.

Dadus ne’ebe Trânsitu nasional regista asidente iha territóriu Timor Laran tomak husi 1 too 24 Janeiru 2024 :

• Munisipiu Alileu; kanek kaman 7, kanek todan 4 total kazu 6,
• Munisipiu Ainaro; kanek todan 22, mate 1, total kazu 1
• Atauro; la iha asidente
• Munisipiu Baucau; kanek 1, kanek todan 4 total kazu 5,
• Munisipiu Bobonaro; kanek kaman 8, kanek todan 1, total kazu 4
• Munisipiu Covalima; kanek kaman 5 total kazu 2,
• Munisipiu Dili; kanek kaman 58, kanek todan 6, mate 2 total kazu 51
• Munisipiu Ermera; kanek kaman 1, total kazu 1,
• Munisipiu Lautem; Kanek kaman 5, kanek todan 1, total kazu 6
• Munisipiu Liquisa; kanek kaman 22, total kazu 10
• Munisipiu Manatutu; kanek kaman 2, mate 1, total kazu 2,
• Munisipiu Manufahi; kanek kaman 2, total kazu 2
• Munisipiu Viqueque; Kanek 4, kanek todan 1, mate 1, total kazu 3
• RAEOA; kanek kaman 1, mate 1, total kazu 2