Governu Xína apoiu tan Sinovac 100 mil doze ba TL

  • Share
Embaixadór Repúblika Populár Xína ba Timor-Leste Dr. Xiao Jiangou entrega apoia Vasina Sinovac 100 Mil hosi Governu Xina ba Governu Timor-Leste ne'ebe simu hosi Vise Ministru Saude, Bonifacio Reis. Photo: Media MS

DILI, www.news-viptv.com – Timor-Leste iha luta kontra COVID-19 kontinua hetan apoia hosi nasaun oi-oin, Republika Povu Xina liu hosi nia governu foin lais ne’e apoia tan vasina Sinovac hodi kontra COVID-19 hamutuk 100 mil doze ba Timor-Leste.

Prosesu entrega apoia ne’e simu hosi Vise-Ministru Saúde, Bonifácio Mau Coli dos Reis hamutuk mos ho ekipamentu médiku liuhusi Embaixadór Repúblika Populár Xína ba Timor-Leste Dr. Xiao Jiangou, iha SAMES, Kampung Alor, Dili.

banner 336x280
Embaixadór Repúblika Populár Xína ba Timor-Leste Dr. Xiao Jiangou asina dokumentu apoia nian antes entrega Vasina Sinovac 100 Mil hosi Governu Xina ba Governu Timor-Leste ne’ebe simu hosi Vise Ministru Saude, Bonifacio Reis. Photo: Media MS

“Governu Repúblika Populár Xína liuhusi Embaixadór iha Timor-Leste entrega tan mai Ministériu Saude ekipamentu sira mak hanesan Vasina COVID-19 Sinovac 100 Mill Dozes ho Seringa 20, ventilador 20, Oxijeniu koncentrator 20 mil, Testing Kits ba Covid-19 50 unidade, infusion bump 2, mákina anestezia 50, monitór ba pasientes 2, mákina ultrasound 50000, hand sanitizer no PPE 10000,” dehan Bonifacio Reis iha komunikadu imprensa.

Governu Repúblika Populár Xína nia apoiu mai ministériu saúde komesa ona iha tinan hirak liubá, hahú husi koperasaun establese iha tinan 2004 no kontinua ho komitmentu apoiu nafatin mai ministériu saúde wainhira Timor-Leste infrenta situasaun difísil kombate surtu COVID-19.

Vise-Ministru Saúde lori Governo Timor-Leste nia naran hato’o agradase ba komitmentu jenerozu no assisténsia ne’ebé Governu Xína apoiu mai setor saude.

“Iha biban ida-ne’e ha’u reintera tan katak, Ministério da Saúde sei utiliza Vasina no ekipamentu saúde hirak ne’e hodi kontinua fornese prestasaun saúde ne’ebé di’ak liu tan ba populasaun Timor-Leste,” dehan vise ministru ne’e.

  • Share

Leave a Reply

Your email address will not be published. Required fields are marked *