Bombeiros Loke Rekrutamentu ba Munisipiu 3

DILI,  www.news-viptv.com  – Atu fo atendementu ba komunidade sira iha desastre nian, Bombeiros loke tan rekrutamentu ba Timoroan sira hodi servisu iha munisipiu 3.

Direitor Nasional Bombeiros, Claudio Silva esplika munisipiu 3 ne’e maka Ermera, Liquisa no Manatuto.

“Durante ne’e munisipiu hotu-hotu iha membru Bombeiros sira ona, maibe iha munisipiu tolu ne’e maka seidauk iha. Objetivo rekrutamentu ne’e para prense vaga ba munisipiu sira hotu servisu Bombeiros ne’e sempre lao tuir akontesimento ka nesesidade sira ne’ebe ita nia komunidade sira enfrenta, ne’ebe servisu barak teb-tebes tanba ne’e mak presiza iha municipio sira ne’e tenke iha membru sira para fo atendementu ba ita nia komunidade,” dehan Claudio Silva ba VIP TV, Sexta (8/7/2022), iha edisfiu Autoridade Protesaun Sivil, Kaikoli, Dili.

Total vagas ne’ebe Bombeiro loke ba rekrutamentu munisipiu 3 ne’e maka 96. Hosi numeru 96 ne’e kada munisipiu fahe nain 32, inklui kondutor nain 6.

“Numeru Bombeiros iha teritorio Timor-Leste seidauk sufsiente, tanba iha korpu balun iha munisipiu ne’e ho ninia numeru ne’ebe mak minimu tebes, ne’ebe total membru agora dadaun iha provolta 300 resin ne’ebe ho tan 96 ne’e numeru sei aumenta tan no mos seidauk to’o numeru ne’ebe ami presiza atu halo kompletu iha Munisipiu Lautem.

Ho servisu Bombeiros ne’ebe nia lidera, nia espera ba atendementu komunidade nian bele proteze sira no fo apoio ba sira nia nesesidade ne’ebe sira presiza liu-liu kona-ba proteze ema nia vida no esesaun.