Auto-Stop Programa Regular Polisia

DILI, news-viptv.com – Auto-Stop ba transporte sira ne’ebe semana hirak nia laran Komando Polisia Nasional Timor-Leste Munsiipiu Dili halo ne’e hanesan programa rutina polisia nian.

Tamba ne’e Segundu Komandante PNTL Dili, Superintedente Joao Sanches Pires esplika, laos tamba konfinamentu obrigatoriu jeral ne’ebe implementa maka polisia foin halo.

Jeremias Valentin, motorista ne’ebe nia motor hetan prende tamba xapa matrikula laiha esplika ne’e laos nia kulpa tamba nia rasik ba ona DNTT hodi husu, maibe xapa maka laiha. Maski nune’e nia kolabora hamutuk ho polisia no kumpri simu prende.

Iha auto stop ba transporte iha loron kuarta liu ba, liliu motorizada, polisia konsege prende motor hamutuk hat nolu resin sia iha fatin tolu ne’ebe polisia halo auto-stop tamba motor sira ne’e laiha xapa matrikula no espellu.

Reporter: Bendito Soares I Cameraman: Constantino Babo I Editor: Evangelisto Santos Meilana