Anin Bo´ot Estraga Uma 4, Ema 1 Mate Mout iha Balibo

DILI, www.news-viptv.com – Autoridade Protesaun Sivil informa katak durante loron sanulu resin ida too sanulu resin lima fulan Janeiru APC rejista ema ida mate tamba mout iha mota no uma 4 hetan estragus tamba dezastre.

Adjuntu Komandante Operasaun Nasional asuntu aerea, mariano ana lopes esplika, ema ida ne´ebe mate tama mota lori iha Balibo, Munisipiu Bobonaro

Ba uma ne´ebe hetan sobu tamba anin boot no ida tamba insendiu, APC fo ona apoia umanitaria no sei halo verifika ba uma ne´ebe hetan estragus hodi bele hetan apoia material konstrusaun nian.

Alende ne´e ho previsaun tempu hosi diresaun nasional metrolojia no geofisika husu nafatin ba komunidade atu kuidadu wainhira halo viajem no hadook an hosi fatin risku dezastre inklui ai-hun boot sira.