Liga Timorense I Manan 1-0 Kontra AD. SLB Laulara, Karketu Dili Hetan Pontu 3 Dahuluk

MANATUTO, www.news-viptv.com – Hafoin tinan 3 la lao, Liga Futebol Timor-Leste hahu hikas ho jogu dahuluk entre klubu primeira divisaun, Karketu Dili FC kontra AD SLB Laulara, Sabadu (24/5/2025), iha Estadiu Munisipal Manatuto.

Abertura Liga Futebol  ne’ebe loke husi Ministru Juventude, Desportu, Arte no Kultura, Nelyo Isaac Sarmento ne’e mos hetan prezensa husi Primeiru Ministru Xanana Gusmao no Sekretariu Estadu Arte no Kultura, Jorge Soares Cristovaono Prezidenti Autoridade Munisipal Manatuto.

Iha jogu dahuluk ne’e, Karketu Dili FC konsege halakon AD.SLB Laulara ho skoru 1-0 liu husi golu uniku Asumany Maxuell iha minutu 51.

Karketu Dili ne’ebe treina husi treinador estranjeiru, Bernard Teye hateten, nia jogador hetan oportunidade barak iha primeira parte, maibe sedauk hetan sorte diak no ikus iha Segunda parte, konsege hatama golu ba sira nia adversariu.

Durante jogu Karketu Dili konsege bola no obrigada nia adversariu jogu meia kampu, inklui hamosu perigozu barak ba baliza SLB Laulara ne’ebe guarda husi Junildo Pereira.

Karketu Dili FC desde Liga Futebol Timor-Leste hahu  iha tinna 2016, konsege sai kampiaun dala tolu ne’ebe hetan iha 2017, 2021 no 2023.