Teofilo Freitas Konkista Medalla Prata ba Timor Leste,

Nagoya, Japaun, WWWNEWS-VIPTV.COM — Atleta para-atletizmu Timor-Leste, Teofilo Freitas, konsege konkista medalla prata iha prova halai 1.500 metru mane klase T38, iha kompetisaun Asian Para Games 2026, ne’ebé hala’o iha Aichi-Nagoya, Japaun.

Teofilo Freitas remata prova ho tempu minutu 4, segundu 25,39, hodi okupa pozisaun daruak. Enkuantu ne’e, atleta hosi Japaun, Kato Hotaka, manan medalla osan man  ho tempu minutu 4, segundu 12,70.

Konquista medalla prata hosi Teofilo Freitas sai rezultadu importante ba Timor-Leste iha kompetisaun para-atletizmu rejionál ne’e. Rezultadu ne’e mós hatudu esforsu no dedikasaun atleta Timoroan nian iha kompetisaun internasionál.

Molok ne’e, Teofilo mós partisipa iha prova halai 400 metru, ho rejistu tempu segundu 54,71. Maski la konsege hetan medalla iha prova ne’e, nia konsege hamriik iha podiu iha prova 1.500 metru, hodi lori medalla prata ba Timor-Leste.

Povu Timor-Leste simu ho orgullu konquista atleta ne’e, ne’ebé reprezenta nasaun iha nivel desportu paralímpiku rejionál.

Fonte: Rezultadu finál Para Athletics, Asian Para Games Aichi-Nagoya 2026.

Tuir rezultadu ofisiál prova finál nian, pozisaun datoluk no medalla bronze hetan hosi atleta Irak, Abbas Al-Darraji, ho tempu minutu 4, segundu 26,42.

Rezultadu komletu1.500 metru mane T38

1. Kato Hotaka (Japaun) — 4:12,70 — Medalla Ouro.
2. Teofilo Freitas (Timor-Leste) — 4:25,39 — Medalla prata.
3. Abbas Al-Darraji (Irak) — 4:26,42 — Medalla bronze.
4. Igusa Takafumi (Japaun) — 4:27,07.
5. Muhammad Rosdi (Malázia) — 4:42,43.
6. Liao Chen-han — 5:03,00.
7. Ali Al-Rikabi (Irak) — 5:23,70.
8. Timor Leste iha Asian para Games 2026 haruka atleta 4, inklui Teofilo Freitas. Atleta seluk maka  Joãozinho Araújo — Para-atletizmu; partisipa iha  halai 400 metru no 1.500 metru, Romerio de Jesus — Para-atletizmu; partisipa iha prova halai 1.500 metru no 5.000 metru. No Abelita Soares — Para-tenis mejaindividual feto klase C7.
9. Timor-Leste konkista medalla prata ida liuhusi Teofilo Freitas, ne’ebé remata iha pozisaun daruak iha prova halai 1.500 metru mane klase T38.