Xefi Estadu ho Offisial EUA Koalia Kona ba Apoia MCC ba Desemvolvimentu Timor-Leste

DILI, www.news-viptv.com – Prezidente Repúblika, Jose Ramos-Horta simu Enkarregadu Embaixada Estadus Unidus iha Timor-Leste, Marc A. Weinstock, no Gigi Goodhart nu’udar Country Director Residenzia Millennium Challenge Corporation (MCC) hodi halo diskusaun kona-ba programa dezenvolvimentu bilaterál boot entre nasaun rua ne’e, , iha Palásiu Prezidensiál, Segunda (1/4/2024).

Sorumutuk ne’e foka liu ba servisu husi MCC ho orsamentu millaun $420, inisiativa tinan 5 ne’ebé foka liu ba hadi’a bee, saneamentu, drenajen no edukasaun iha Timor-Leste.

Marc esplika programa ne’e reprezenta parseria la’ós de’it entre governu sira, maibé mós povu Timor-Leste no povu Estadus Unidus, ne’ebé harii ho konfiansa no komprensaun hamutuk hanesan parseiru ativu ida.

Gigi hanesan Diretóra Nasionál ba Rezidente MCC iha Timor-Leste, hato’o katak programa husi MCC ne’ebé deskreve ne’e hanesan prezente ida husi Estadus Unidus atu ajuda hadi’a Timor-oan sira-nia kapasidade, liuliu atu luta hasoru kestaun sira ne’ebé relasiona ho saúde, edukasaun, no partikularmente rasa badak ka stunting.

Governu Timor-Leste mós fornese rekursu apoiu, inklui alokasaun rai, kontribuisaun orsamentál no nesesidade sira seluk atu asegura implementasaun efetiva ba inisiativa dezenvolvimentu tinan 5 nian ida ne’e.