UNICEF Entrega Frigorifku Ultra-Malirin 4 ba Governu

DILI, www.news-viptv.com – Ajensia Organizasaun Nasoen Unidas ne’ebe tau matan ba asuntu inan ho labarik (UNICEF) entrega Frigorifku Ultra-Malirin 4 ba governu Timor-Leste ho objektivu hodi ajuda SAMES armazena aimoruk vasina Covid-19 ho temperature grau selsiu negativu 86.

Frigorifiku ne’ebe UNICEF oferese ne’e entrega hosi Reprezentante UNICEF iha Timor-Leste, Billal Durani ba Ministra Saude, Odete Maria Belo iha Armazen central SAMES Dili, loron Segunda (18/10/2021).

Ne’e Primeira vez Timor-Leste iha kapasidade hodi armazena vasina ho temperature Ultra-Malirin.  Hahu too mai  kedas iha Pais iha loron 22 fulan setembro UNICEF servisu hamutuk ho ministeriu Saude, SAMES no fabrika atu garante katak Pais ne Prontu hodi simu Vasina Pfizer BionTech. UNICEF apoiu ona SAMES hodi instala no monitoriza nia temeperatura loron ida dala tolu hodi haree nia funsionamentu, no apoiu formasaun SAMES nia tekniku sira, tekniku ekipamentu biomedikal sira, staff ba operasaun, monitoriza no manutensaun sistema.

“Armazena no Transporta vasina sira ho temperatura loloos mak fundamental atu salva labarik no adultu sira hosi moras potensialmente fatal. UNICEF orgullu hodi apoiu Timor-Leste tinan hirak ne’e liu hosi instalasaun sistema korenti malirin iha pais ne’e ba imunizasaun rutina no mos ba vasinasaun Covid-19. Ita eleva ona kapasidade korenti malirin iha pais ne’e ba nivel a’as ho instalasaun sistema korenti Ultra-Malirin ba Primeira vez.” Dehan Bilal Durani.

UNICEF sei hola tan frigorifiku temperature ultra-malirin 16 ba ministeriu saude ho fundus hosi Governu Australia hodi instala iha armazen rejional sira.