banner 1000x250

UNFPA-AJTL Halo Koperasaun ba Promove Direitu Saude Sexual no Reprodutivu

  • Share
Reprezentante UNFPA iha Timor-Leste, Pressia Arifin-Cabo (liman karuk) ho Prezidenti AJTL, Zevonia Vieira. Foto: UNFPA
banner 728x90

DILI, www.news-viptv.com  – Rekonese papel media importante no bele espalla informasaun ba publiku ho diak, United Nation Population Fund (UNFPA) hili Assosiasaun Jornalista Timor Leste (AJTL) hodi sai parseiru ajensia ONU nian ne’e ba promosaun direitu saude sexual reprodutivu.

Ho asina akordu entre UNFPA ho AJTL, Reprezentante UNFPA iha Timor-Leste, Pressia Arifin-Cabo hateten koperasaun ne’e ho objetivu atu uza rede jurnalista iha AJTL ne’ebe ho plataforma media oioin hodi kolabora hamutuk ho UNFPA ne’ebe expert iha area saude sexual no reprodutiva no mos problema deretu no populasaun.

banner 1000x250

UNFPA ho AJTL iha akordu koperasaun ne’e sei koalia isu importante hanesan saude inan, Evita violensia bazeia ba jeneru, kapasitasaun no involvimentu jerasaun foun, envelsimentu populasaun no divulgasaun informasaun no servisu saude sexual no reprodutiva ba grupu komunitaria desfavoresidu.

Pressia Arifin-Cabo afirma papel media iha duni influensia iha formasaun opiniaun publiku no halo mudansa ba komunidade.

“Liu hosi programa treinamentu konjunta, ami parseria ho jornalista sira no organizasaun media hodi divulga notisias ne’ebe akuradu no bazeia ba provas relasiona ho saude sexual no reprodutiva, foin-sa’e, envelsimentu populasaun no problema demografia seluk,” hateten Pressia, Sexta (13/10/2023) iha UN House, Kaikoli, Dili.

Iha era digital, notisias hoax no informasaun ne’ebe lalos bele hamosu ameasa ba feto no labarik feto sira, liliu hasoru dezisaun partus nian, wainhira no iha ne’ebe tenki buka ajuda wainhira hasoru violensia, no evita infesaun moras sexual no isin rua sedu.

Liu hosi koperasaun ne’e, UNFPA hare duni papel importante media nian hodi divulga informasaun ne’ebe los no akuradu ba topiku hirak ne’e, tamba media maka sai fontes prinsipal ba komunidade sira, espesialmente ba jerasaun foin-sa’e sira ne’ebe iha asesu dereta ba internet.

“Ami presiza kolabora ho AJTL tamba jornalista mak papel importante ida ne’ebe bele transforma informasaun ne’ebe kredivel ba ema hotu tamba nee jornalista mak fontes importante ida ne’ebe hatene uluk saida mak akontese no buat ne’ebe real ho nune’e ami kolabora ho AJTL hodi espala informasaun ba komunidade sira Liu husi jornalista sira,” hateten Pressia.

Presidente AJTL, Zevonia Vieira, liu hosi akordu ne’e bele mos aumenta tan kapasidade jurnalista sira iha divulgasaun infoformasaun relasiona ho topiku ne’ebe mensiona iha akordu ne’e.

“Hau kontenti bele asina MoU ne’e ho UNFPA, MoU ne’e sei haforte no hasa’e kapasidade jornalista sira hodi divulga isu-isu hanesan violensia bazeia jeneru, saude inan nian no jerasaun foin-sa’e sira,” dehan Zevonia.

  • Share

Leave a Reply

Your email address will not be published. Required fields are marked *

error: Content is protected !!