DILI, www.news-viptv.com – Sekretariu Estadu Komunikasaun Sosial iha Kuarta dadersan loron tolu fulan agustu apresenta rezultadu survey nasional kona ba persepsaun publika media estatal no privadu.
Objetivu hosi survey nee atu sukat komunidade nia interesse ba asesu informasaun husi media estatal no privadu hanesan TV, Radio, Jornal iha nasional no munisipiu no atu hatene fontes informasaun hosi plataforma media konvensional, digital no sel-seluk.
Prezidenti Konsellu Imprensa, Virgilio Guterres mos encoraja survey hanesan bele halo mos hosi interna media sira, liliu televisaun sira atu hatene kona ba programa saída maka publiku gosta liu hosi sira nia publikasaun.