SEAK Lansa Kompetisaun Soru Tais

Dili, www.news-viptv.com – Sekretariu Estadu Arte no Kultura (SEAK),  Jorge Soares Cristovão offisialmente loke kompetisaun soru tais ne’ebe partisipa hosi grupu munisipiu 10 no RAEOA, Segunda (11/12/2023), iha Centro Convençoes Dili, Kaikoli.

Kompetisaun soru tais ne’e nu’udar atividade ida iha komemorasaun loron nasional Tais ba daruak ne’ebe organiza hosi SEAK no Ministeriu Komersiu Industria (MKI) hahu hosi 9 to’o 14 Dezembru 2023.

Governu, esplika Jorge Soares Cristovao, iha dever atu promove, prezerva, kontinuidade, promosaun, produsaun, ho kualidade ne’ebé diak ba Tais nu’udar patrimoniu kultura Timor-Leste nian ne’ebe hetan ona rekonesementu hosi UNESCO.

“Liu hosi atividade neebe agora ita halao oinsa mak inan soru nain sira atu kontinua halo produsaun ba tais ida ne’e, no papel povu nian maka hodi kontinua no prezerva mos ba sasan (tais) sira ne’e,” dehan sekretariu estadu ba jornalista sira.

Iha kompetisaun ne’e, nia esplika, la signifika atu kompete ba manan nian, maibe atu kontinua preserva, promove no halo sosializasaun ba objektivu tradisionais sira ne’ebe mak be-ala sira husik.

“Husu ita atu kontinua nafatin atu nune’e jerasaun foun sira bele hatene no kuidadu sasan tradisional sira ne’ebe ejistu no Liu-liu ba tais,” nia dehan.

Entre munisipiu hotu, reprezentante hosi munisipiu Aileu no Manufahi deit maka la partisipa iha kompetisaun soru tais ne’e.

Rogerio dos Santos nu’udar Xefi Grupu Feto Buka Rasik Munisipiu Bobonaro sente orgullu bele reprezenta nia munisipiu ba kompete iha kompetisaun ne’e hodi hatudu sira nia kultura iha Tais ne’ebe sira soru.

“Hosi kompetisaun ne’e, laos ami hatudu deit ami nia kultura, maibe ami mos bele aprende fali kona ba kultura hosi munisipiu seluk,” dehan Rogerio.

Iha kompetisaun ne’e, Tais ne’ebe sira nia grupu soru maka ho naran Kedelen ho lian materna katak hanesan fitun ne’ebe mak lakan ho koris oi-oin.

“Tais Kedelen ne’e uza ba tempu sau batar no hanaran Kedelen ne’e ho koris oi-oin no barak,

Iha parte seluk, Kordenador Ministéiriu Komersiu no Industria, Antonio  da Costa informa, partisipante iha kompetisaun refere mai hosi munisipiu hotu no RAEOA ne’ebe kada manuisipiu reprezenta hosi grupu 2.