PR Ramos-Horta Sai Uma Na’in Ba Konsertu Piano Istóriku Selebra Talentu Muzikál Foinsa’e Sira

DILI, www.news-viptv.com – Prezidente no Laureadu Nobel ba Pás J. Ramos-Horta sai uma-na’in ba konsertu pianu istóriku ne’ebé hatudu talentu muzikál foinsa’e extraordináriu, selebra tantu patrimóniu kulturál Timor-Leste nian no ninia futuru ne’ebé promisór.

Konsertu ne’e apresenta pianista foinsa’e extraordináriu na’in rua: Abílio António de Araújo ho tinan 14, talentu rekoñesidu internasionalmente ne’ebé koñesidu ho nia interpretasaun ba Mozart, Chopin, no Beethoven, aprezenta hamutuk ho nia alin Afonso Rufino Abílio de Araújo ho tinan 7, ne’ebé hetan ona rekoñesimentu iha kompetisaun múzika klásika rejionál sira.

Kalan ne’e hatudu kombinasaun úniku husi atuasaun klásika no tradisionál sira. Ho diresaun husi Maestrina Lídia da Costa, iha konsertu kalan ne’e aprezenta Djitron Pah, embaixadór prinsipál ida husi múzika tradisionál Timór Osidentál nian no mestre koñesidu ba sasandu, Koru istóriku Santa Cecília, ne’ebé sai parte integrante husi panorama kulturál Timor-Leste nian dezde tinan 1945, no Orkestra Juventude Dom Bosco, ne’ebé harii iha tinan 2021 ho Maestro Padre Adérito Manuel.

“Múzika ultrapasa fronteira sira, halibur jerasaun sira, no revela ita-nia nasaun nia klamar,” dehan Prezidente Ramos-Horta. Selebrasaun muzikál ida-ne’e kona-ba kriatividade, dedikasaun, no talentu reprezenta liu konsertu ida – ne’e mak testamunha ida ba ita-nia nasaun nia reziliénsia kulturál no futuru nabilan ne’ebé ita-nia jerasaun foun reprezenta,” hateten PR Horta iha komuniakdu imprensa ne’ebe redasauan asesu.

Konsertu ne’e hatudu profundidade no diversidade husi talentu muzikál nasaun nian. Ida-ne’e sai hanesan plataforma ida ba interkámbiu kulturál no diálogu interjerasional liu husi linguajen universál múzika nian.